Италия құрамасы Тунис командасының орнына Катардағы әлем чемпионатына баруы мүмкін, деп жазады «Чемпионат».

Тунис үкіметінің өз елінің футболына араласуына қатысты ФИФА солтүстік африкалық құраманы мундиальдан шеттетуі мүмкін. Бұған Тунистің жастар мен спорт министрі Камель Дегиштің Тунис футбол федерациясын таратамын деген мәлімдесі себеп болып отыр.

Егер Тунис ойыншыларын Катардағы футбол тойынан шеттеткен жағдайда оның орнын ӘЧ-ға бармайтын командалардың арасында рейтингі жоғары Италия құрамасы алмастыруы мүмкін.

Еске салайық, Тунис қараша мен желтоқсан айларында өтетін төрт жылда бір келетін жарыста Дания, Аустралия және Франция құрамаларымен бір топта ойнайды.