Қызылордалық «Қайсар» 21 жастағы жартылай қорғаушы Амал Сейітовпен келісімшартқа отырғанын хабарлады.

Амал Сейітов – Алматы футболының түлегі. Кәсіби футболдағы мансабын жергілікті ЦСКА-да бастаған. Кейін «Жетісудың» жастар командасында ойнады.

Сейітов өткен жылы «Қыран» сапында өнер көрсетіп 19 матчта 8 гол соқты, 2 нәтижелі пас берді.

Маусымаралық үзіліс кезінде футболшы «Қайсардың» оқу-жаттығу жиынына қатысып, бапкерлер құрамының көңілінен шықты.